Ўзбекистон – КХДР ўртоқлик ўйини чипталари сотувга чиқарилди. Бу ҳақда ЎФА Матбуот хизмати маълум қилди.
Октябрь ойидаги ФИФА кунларида Ўзбекистон МТЖ учун бир қатор ўртоқлик учрашувлари ташкиллаштирилган бўлиб, жумладан 13 ва 16 октябрь кунлари Ўзбекистон миллий терма жамоаси КХДР ҳамда Қатар терма жамоаларига қарши ўртоқлик ўйини ўтказади.
Ушбу ўртоқлик учрашуви учун чипталар сотуви бошланди. Баҳс 13 октябрь куни соат 19:00 да “Миллий” стадионида бўлиб ўтади. Ўйинни бевосита ўйингоҳдан кузатишни истаган мухлислар чипталарни “Миллий” стадиони кассаларидан сотиб олишлари мумкин бўлади.
