Бугун — 10 октябрь куни Тошкент вақти билан 16:00 да Ўзбекистон U17 терма жамоаси Шотландия U18 га қарши беллашувда майдонга тушади.
Учрашув олдидан бўлиб ўтган танишув маросимида Ўзбекистон ёшлар терма жамоаси бош мураббийи Отабек Ғуломхўжаев иштирок этди.
“Биз учун натижа муҳим эмас, буни ЎФА раҳбарияти ҳам айтиб ўтган. Муҳими европалик футболчилар тезлигига яқинлашиш, улар орқали камчиликларимиз ва нозик нуқталаримизни аниқлаб олиш. Бундай рақибларга қарши ўйинлар ўсишимизга катта ёрдам беради. Бизда ҳаяжон ёки ҳадиксираш йўқ. Биз ҳар қандай жамоа билан тенгма-тенг ўйнашга ҳаракат қиламиз”, - дейди мутахассис.
