Ўзбекистон – Шимолий Корея ўртасидаги ўртоқлик учрашуви олдидан ўтказилган матбуот анжумани иккинчи қисмида КХДР терма жамоаси бош мураббийи Ким Ёнг Жун ҳамда жамоа футболчиси Жонг Ил Гванлар журналистлар саволларига жавоб беришди.

Ким Ёнг Жун: Бу учрашув биз учун январь ойида бўладиган Осиё кубогига тайёргарлик ўйини бўлади. Биз охирги ўйинимизни май ойида Гонк Конг терма жамоасига қарши ўтказган эдик. Таъкидлаш жоиз, бу йил терма жамоамизга номзод ўйинчиларни кўп маротаба клублардан чақириб олишни эп кўрмадик.

Чунки уларнинг клублари халқаро ўйинларда қатнашишмоқда ва футболчилар етарли даражада ўйин амалиётига эга бўлмоқда. Ўртоқлик ўйинидан олдин жамоангизни ўйинларини кузатдик. Терма жамоангиз ўйинга аъло даражада тайёр деб ўйлайман. Ким яхши ўйнаса ўша жамоа ғалаба қозонади. Футболда олдиндан қилинган башоратлар доим ҳам ўзини оқламайди.

Биз ғалаба қозонишга ҳаракат қиламиз. Осиё кубогига тайёргарлик кўраётганимиз сабабли агарда ғалаба қозонсак, жамоа футболчиларининг кайфиятини кўтарилиб руҳиятига ижобий таъсир кўрсатади. Осиё кубогида кучли жамоалар иштирок этишади. Агар биз чорак финалга етиб борсак, бу биз учун ижобий натижа ҳисобланади.

Жонг Ил Гван: Бу учрашувда биз якдил жамоа сифатида яхши ўйин кўрсатишга ҳаракат қиламиз. Швейцария клубига таклиф этилишимга сабаб ўтган йили Японияда бўлиб ўтган халқаро мусобақада яхши иштирок этиб ўйинда хет-трик қайд этганим бўлса керак.