Республика биринчилигида Тошкент шаҳри шарафини ҳимоя қилган "Пахтакор" тарбияланувчилари Равшан ва Олим Шокиров бошчилигида мусобақа ғолиблигини қўлга киритишди.
Гуруҳ босқичида Тошкент вилоятини 6:0, Навоий термасини 5:0 ҳисобида доғда қолдирган “Пахтакор” тарбияланувчилари чорак финалда Қашқадарё вилоят терма жамоасига қарши майдонга тушиб, 3:0 ҳисобида зафар қучишди.
Ярим финалда Бухоро жамоасига қарши учрашувда 2:0 ҳисобидаги ғалаба қайд этилди. Ҳал қилувчи беллашувда наманганликлар билан тўқнаш келган жамоа 2:0 ҳисобида муваффақият қозонишди. Голларни Турдимуродов ва Мўминов киритди. Жамоа аъзоси Ҳожибоев 7 гол билан мусобақа тўпурарига айланди.
