Франция чемпионатининг 10-туридан ўрин олган ПСЖ – “Амьен” учрашуви ўз ниҳоясига етди. “Парк де Пренс” стадионида бўлиб ўтган ўйинда парижликлар йирик ҳисобдаги ғалабани қўлга киритдилар.

Биринчи бўлимда Маркиньос ва Адриен Рабьо гол уриб, жамоани танаффусга қулай ҳисоб билан олиб чиқишди. Иккинчи бўлимда эса Юлиан Дракслер, Килиан Мбаппе ва Мусса Диабининг голлари ҳисобни йирик кўринишга олиб келди.

Шу тариқа, Томас Тухель шогирдлари кетма-кет ўнта ўйинни ўз фойдаларига ҳал қилган ҳолда турнир жадвалида якка пешқадамлик қилишмоқда.

Лига 1, 10-тур

ПСЖ – Амьен 5:0 (2:0, 3:0)

Голлар: 1:0 – 12 Маркиньос, 2:0 – 42 Рабьо, 3:0 – 80 Дракслер, 4:0 – 82 Мбаппе, 5:0 – 87 Диаби.

ПСЖ – Ареоля, Маркиньос, Бернат, Керер, Верратти (Диарра, 46), Рабьо (Риман, 86), Ди Мария (Диаби, 59), Нкунку, Дракслер, Кавани, Мбаппе.

Амьен – Гюртнер, Гуано, Аденон, Дибасси, Крафт, Гансо (Бодмер, 74), Ньяоре (Блен, 81), Годдос, Монкондюи, Эль-Хаджам (Конате, 67), Отеро.