Fransiya chempionatining 10-turidan o‘rin olgan PSJ – “Amyen” uchrashuvi o‘z nihoyasiga yetdi. “Park de Prens” stadionida bo‘lib o‘tgan o‘yinda parijliklar yirik hisobdagi g‘alabani qo‘lga kiritdilar.
Birinchi bo‘limda Markinyos va Adriyen Rabyo gol urib, jamoani tanaffusga qulay hisob bilan olib chiqishdi. Ikkinchi bo‘limda esa Yulian Draksler, Kilian Mbappe va Mussa Diabining gollari hisobni yirik ko‘rinishga olib keldi.
Shu tariqa, Tomas Tuxel shogirdlari ketma-ket o‘nta o‘yinni o‘z foydalariga hal qilgan holda turnir jadvalida yakka peshqadamlik qilishmoqda.
Liga 1, 10-tur
PSJ – Amyen 5:0 (2:0, 3:0)
Gollar: 1:0 – 12 Markinyos, 2:0 – 42 Rabyo, 3:0 – 80 Draksler, 4:0 – 82 Mbappe, 5:0 – 87 Diabi.
PSJ – Areolya, Markinyos, Bernat, Kerer, Verratti (Diarra, 46), Rabyo (Riman, 86), Di Mariya (Diabi, 59), Nkunku, Draksler, Kavani, Mbappe.
Amyen – Gyurtner, Guano, Adenon, Dibassi, Kraft, Ganso (Bodmer, 74), Nyaore (Blen, 81), Goddos, Monkondyui, El-Xadjam (Konate, 67), Otero.
