Суперлига 27-туридан ўрин олган “Қўқон-1912” – “Нефтчи” ўйинидан кейинги матбуот анжуманинг биринчи қисмида “Нефтчи” бош мураббийи Баҳром Ҳайдаров иштирок этди.
“Бу мавсумда қўқонликларга қарши тўртинчи бор тўқнаш келдик. “Дерби” доимо шиддатли тарзда ўтган. Бугун баъзи бир сабабларга кўра, асосий таркибнинг бир қатор ўйинчилари иштирок эта олмади. Аброр Исмоилов ва Шерзод Ҳакимовларнинг йўқлиги билинди.
“Қўқон-1912” асосан стандартларга эътибор беришни шогирдларимга айтгандим. Лекин барибир мен хавфсираган нарса бўлди. Шуни айтишим керакки, бугун ҳар икки жамоа ҳам яхши ўйнади. “Қўқон-1912”га кейинги учрашувларда омад тилайман”, дейди Ҳайдаров.
