Superliga 27-turidan o‘rin olgan “Qo‘qon-1912” – “Neftchi” o‘yinidan keyingi matbuot anjumaning birinchi qismida “Neftchi” bosh murabbiyi Bahrom Haydarov ishtirok etdi.
“Bu mavsumda qo‘qonliklarga qarshi to‘rtinchi bor to‘qnash keldik. “Derbi” doimo shiddatli tarzda o‘tgan. Bugun ba’zi bir sabablarga ko‘ra, asosiy tarkibning bir qator o‘yinchilari ishtirok eta olmadi. Abror Ismoilov va Sherzod Hakimovlarning yo‘qligi bilindi.
“Qo‘qon-1912” asosan standartlarga e’tibor berishni shogirdlarimga aytgandim. Lekin baribir men xavfsiragan narsa bo‘ldi. Shuni aytishim kerakki, bugun har ikki jamoa ham yaxshi o‘ynadi. “Qo‘qon-1912”ga keyingi uchrashuvlarda omad tilayman”, deydi Haydarov.
