Италиянинг “Рома” клуби ёш ярим ҳимоячиси Женгиз Ундернинг нархини маълум қилди. Бу ҳақда Football Italia хабар бермоқда.
Манбанинг хабарига кўра, Рим клуби футболчини 50 миллион евродан кам бўлмаган нархга сотишга тайёр.
Маълумот учун футболчига “Арсенал”, “Манчестер Юнайтед”, “Бавария”, “Атлетико”, “Манчестер Сити” ва “Барселона” клублари қизиқмоқда.
Эслатиб ўтамиз, 21 ёшли туркиялик футболчи жорий мавсум “Рома” сафида 10 та ўйинда майдонга тушиб, 3 та гол урди ва 4 та голга ассистентлик қилди.
