Якшанба куни “Барселона” ва “Реал” ўртасида Ла Лига 10-тури дорасида навбатдаги “Эл-Класико” ўтказилади. Мазкур баҳс телетрансляциясида янги инновацион овоз узатиш технологияларидан фойдаланилади.
Унга кўра, махсус ишлаб чиқилган янги тизим тўпнинг майдондаги жойлашувини кузатиб боради ҳамда автоматик равишда тўпга энг яқин масофада турган микрофонларни фаоллаштиради. Бу орқали мухлислар майдондаги муҳитни жонли ҳис қилиши ва ўйинчиларнинг ҳайқириқлари-ю тўпга берилган зарба товушини аниқ ҳамда тиниқ эшитиш имкониятига эга бўлади.Ўйинчиларнинг ўзаро суҳбатлари эса трансляцияда акс этмайди.
Маълумот учун: Барселона – Реал учрашуви 28 октябрь куни “Камп Ноу”да бўлиб ўтади. Ўйин Тошкент вақти билан 20:15 да бошланиши белгиланган.
