«Наполи» бош мураббийи Карло Анчелотти Италия футболи муаммолари борасида ўз фикрларини билдириб ўтди.

«Италияда иқтидорли футболчилар кўп эмас, аммо келажакда яхши футболчи бўлиши мумкин ўйинчилар кўп. Бу борада муаммо йўқ.

Бизнинг муаммоларимиз стадионлар билан боғлиқ. Боиси, мухлислар стадионга келишмаяпти. Европада эса барчаси бошқача: одамлар футболга ташриф буюришади ва ўз вақтларини стадионда ўтказишади. У ерда ресторанлар ва кўнгилочар жойлар мавжуд. Вақтни оила билан ўтказиш мумкин.

Италияда дербилар сабаб ҳақорат ва қўполликлар юзага келади. «Реал» ва «Барселона» ҳам бир-бирларига тўқнаш келадилар, аммо улар чегарадан чиқиб кетмайдилар. Биз ҳам бундай нарсалардан воз кечиб, стадионларни оилалар учун қулай масканга айлантиришимиз керак», – деди Анчелотти.