Бугун 28 октябрь куни Фарғона шаҳридаги муҳташам “Истиқлол” стадионида Ўзбекистон Кубоги финали бўлиб ўтади. Финал учрашуви соат 15:00да старт олади. Анчагина қизиқарли ва шиддатли курашларга бой тарзда ўтган Ўзбекистон кубоги-2018 ярим финал баҳсларидан сўнг АГМК ҳамда “Пахтакор”жамоалари финал йўлланмасини қўлга киритишди.
ФИНАЛГАЧА ЖАМОАЛАР ҚАНДАЙ ЙЎЛНИ БОСИБ ЎТДИ?
Финал учрашувининг номинал мезбони – АГМК жамоаси ҳисобланади. Олмалиқликлар жорий йилги кубок баҳсларидаги иштирокни 1/16 финал босқичидан бошлашди. АГМК ушбу босқичда Ҳаққулободнинг “Норин” жамоасини 1:0 ҳисобида мағлубиятга учратди.
1/8 финалда эса АГМКга Қаршининг “Насаф” жамоаси рақиблик қилди. Ўз майдонида ўйин ўтказган АГМК 2:1 ҳисобида ғалабага эришди.
“Пахтакор” эса кубок беллашувларига 1/8 финалдан қўшилди. Пойтахтликлар ушбу босқичда Олтиариқнинг “Ифтихор” жамоасини 6 та тўп фарқи билан мағлуб этишди. Чорак финалда эса АГМК “Машъал”га қарши баҳс олиб бориб, якунда 3:1 ҳисобида ғалаба қозонди ва ярим финал йўлланмасига эга чиқди.
“Шерлар” эса ярим финалга чиқиш учун “Локомотив” тўсиғидан ўтишларига тўғри келди. Анчагина шиддатли кечган баҳсда “Пахтакор” 4:0 ҳисобида зафар қучди. Ярим финал босқичида АГМК “Бунёдкор” майдонига сафар уюштириб, 2:1 ҳисобида ғалабани расмийлаштирди ва ўз тарихида биринчи бора Ўзбекистон кубоги финалида иштирок этиш имкониятини қўлга киритди.
“Пахтакор” бўлса ярим финалда “Қўқон-1912”ни қийинчиликсиз 5:2 ҳисобида таслим этишга муваффақ бўлди ва ҳисоб бўйича 14-бора мамлакат кубоги бош совирини учун ҳал қилувчи ўйинда кураш олиб бориш имкониятига эга бўлди.
Ўзбекистон кубоги-2018 финалини Темур Тўхтасинов бошқаради
Бугунги финал учрашувини Темур Тўхтасинов бошчилигидаги ҳакамлар гуруҳи бошқариб боради. Унга қанотларда Анвар Маражабов ҳамда Зиёдулло Абдураҳмонов ёрдам беришади. Захирадаги ҳакам – Олим Тўйчибоев.
Ўзбекистон кубоги-2018 финал
28 октябрь. Фарғона. “Истиқлол” стадиони.
АГМК – “Пахтакор”
Бош ҳакам: Темур Тўхтасинов
Қанот ҳакамлари: Анвар Маражабов, Зиёдулло Абдураҳмонов
Захира ҳаками: Олим Тўйчибоев
Айни пайтда Фарғонада ушбу ўйинга катта тайёргарлик кўрилмоқда. Бугунги баҳснинг юқори савияда ўтиши учун барча бирдек меҳнат қилмоқда.
Мазкур учрашув қўқонлик футбол мухлисларда ҳам катта қизиқиш ўйғотмоқда. Бугун Қўқон ва ён атрофдаги туманларда истиқомоат қилаётган футбол ихлосмандларига қулайлик яратиш мақсадида Фарғонага бориб келиш учун автобуслар қўйилган. Йўл кира ва чипталар ҳам мутлақо текин. Барчаси мухлислар учун муҳайё этилган. Ҳар бир мухлис учун автобуснинг ўзида футболкалар берилади.
Йилнинг энг муҳим баҳсини ўтказиб юборманг!
Клопп фақат икки жойдан келган таклифни кўриб чиқишга тайёр [6388]
«Реал»нинг биргина футболчиси шармандали мағлубиятдан сўнг омма олдига чиқа олди [4498]
TEAMtalk: Клопп аллақачон «Реал» учун икки футболчини танлаб қўйган [3873]
Клопп "Реал"га келса, биринчи навбатда ким билан хайрлашиши маълум бўлди [3601]
Винисиус омадсизликлар фонида «Реал»даги келажаги бўйича қарор қабул қилди [3449]
Кроос: «Барселона» бирорта халқаро соврин ютмайди» [3360]
Мўманий карикатураси: Хаби Алонсо «Реал»да болалар боғчасини бошқариб келганини англаб етди [3355]
«Ман Сити» футболчиси: «Абдуқодир билан чинакам ҳамжиҳатлик ўрнатдик» [3007]
«Реал» зўр ҳимоячи учун 20 миллион еврони қизғанди [2714]
Месси йиллик 1,4 миллиард евро маошга рад жавобини берган [2145]
