Англия лига кубогининг 4-босқичи доирасида 30 октябрь куни бўлиб ўтиши керак бўлган «Лестер» ва «Саутгемптон» ўртасидаги ўйин бошқа муддатга қолдирилди. «Лестер» президенти Вичай Шриваддханапрабханинг вафоти муносабати билан шундай қарорга келинди. Ўйин қачон бўлиб ўтиши ҳозирча аниқ эмас.
Аввалроқ «Лестер»нинг 28 октябрь кунги машғулотлари ҳам бекор қилинганди. Футболчилар яқин кунларда майдонга чиқиш учун руҳий жиҳатдан тайёр эмас.