“Челси” собиқ мураббийи Антонио Конте “Реал”да иш бошламаслиги ҳам мумкин. Бу ҳақда AS нашри хабар бермоқда.
Маълум бўлишича, мадридликлар италиялик мутахассис билан шартнома борасида келиша олмаган. Шу сабабга кўра, “Реал”ни бошқаришга “Кастиль” клуби мураббийи Сантьяго Солари даъвогарлик қилмоқда.
“Реал” Конте билан молиявий томонлама келиша олмаган, журналист Жанлука Ди Марционинг таъкидлашича, мураббий ўзига кафолат таълаб қилган.
Эслатиб ўтамиз, “Реал” бош мураббийи Хулен Лопетеги ҳозирча ўз постида қолди. У ҳатто “қироллик клуби”нинг бугунги машғулотларини ҳам ўзи олиб борган.
