«Реал» ҳимоячиси Серхио Рамос италиялик машҳур мутахассис Антонио Конте жамоага бош мураббий қилиб тайинланиши мумкинлиги ҳақида хабарларга изоҳ берди.
«Конте? Буни олдин ҳам айтганман. Бизга яхши бошқарувчи керак, тактика билимдони эмас. Жамоани яхши бошқариш баъзи ҳолларда тактика билимларидан ҳам муҳимроқдир.
Буни тушунган мураббийлар билан жуда кўп совринларни қўлга киритганмиз», - деб 32 ёшли футболчи сўзларини келтирмоқда Don Balon.
Аввалроқ, «Реал» бош мураббийи Хулен Лопетеги истеъфога чиқарилиб, ўрнига Антонио Конте тайинланиши мумкинлиги ҳақида хабарлар тарқалган эди.
