"Манчестер Сити" бош мураббийи Хосеп Гвардиола "Реал" бош мураббийи Хулен Лопетегининг истеъфоси ҳақида фикр билдирди.
"Футбол қандай қурилганини биламан. Биз ғалаба қозонган тақдиримизда ишимизда давом этамиз. Агар ғалаба қозонишдан тўхтасак - бизни бўшатадилар. Хуленга ачинаман, чунки у менинг дўстим. У ақлбовар қилмас инсон.
Яқин кунларда унга қўнғироқ қиламан. Бу футбол, бундай вазиятдан ҳеч ким қочиб кетолмайди. Мураббий ёмон натижалар кўрсатса, "Реал" ва "Барселона" каби клубларда узоқ қола олмайди. Унга энг яхши тилакларимни тилайман", - дейди Гвардиола.
