"Манчестер Сити" бош мураббийи Хосеп Гвардиола "Манчестер Юнайтед"нинг собиқ бош мураббийи Алекс Фергюсоннинг сўзларига жавоб берди.
Сэр Алекс шундай деган эди: "Гвардиола нима учун "Барселона"ни тарк этди, тушунмайман, бундан маъно йўқ, ахир у ерда 25 йил ишлаши мумкин эди".
"Унинг нима учун бундай деганини тушунишим мумкин, аммо Англияда футбол умуман бошқача. Бу ерда ҳақиқатан қаторасига 20 йил бир клубда ишлаш мумкин. Ҳафта давомида журналистларни деярли кўрмайман, улар клуб ичидаги воқеаларни билмасликлари мумкин. Бизда клубларда, кийиниш хоналарида, ўйинчилар билан муаммолар кўп, баъзан қаттиққўл бўлишга тўғри келади ва бу нарсалар матбуотга сизиб чиқмайди.
"Барселона"да ёки масалан, "Бавария"да ичкаридаги гаплар эртаси куни газета муқоваларида пайдо бўлади. Англияда анча қулайроқ. Сэр Алекс Фергюсон ҳам "Барселона"да 25 йил ишлай олар эди, дея олмайман", - дейди Гвардиола.
