Хитойнинг Шанҳай СИПГ клуби таркибида Хитой чемпионлигини қўлга киритган Одил Аҳмедов қишки танаффус пайтида жамоани тарк этади.
Маълумотларга кўра, Аҳмедов анча олдин Хитойни тарк этишга қарор қилган. Хитойга уни таклиф этган португалиялик Андре Виллаш-Боаш истеъфога чиқарилганидан буён Аҳмедов асосий таркибда кўриниш бергани йўқ. Ортда қолган 29 та учрашувнинг 19 тасидагина Аҳмедов майдонга тушган. Шу боис, у жамоани алмаштириш ниятида.
Ҳозирда Аҳмедовга Тошкентнинг Пахтакор клуби ва Жанубий Корея Кей-лигасининг бир қатор клублари қизиқиш билдирмоқда. Футболчининг ўзи эса бу борада бир тўхтамга келгани йўқ.
Бир йил муқаддам берган интервьюсида Хитой клуби унинг учун легионер сифатидаги сўнгги жамоа бўлиб қолиши, шундан сўнг Ўзбекистонга қайтиш ниятида эканини маълум қилганди.
