«Барселона» етакчиси Лионель Месси жамоанинг ҳужумкор футболчиси Малком кам ўйин амалиётига эга бўлаётганидан ташвишга тушмоқда. "Кўк-анорранглилар" сардори бу борада бош мураббий Эрнесто Вальверде билан суҳбатлашди.

Аргентиналик футболчи: «Малкомни нимасидир ёқмаяптими?», — дея сўраган бўлса, мураббий: «Йўқ», — дея жавоб берди.

Бразилиялик футболчи ёзги трансфер пайтида 41 миллион евро эвазига «Бордо»дан «Барселона»га ўтганди. Ушбу мавсумда Малком атиги 4та ўйинда иштирок этди ва жами 114 дақиқа майдонда ҳаракат қилди. Чемпионлар лигаси доирасида «Интер»га қарши бўлиб ўтган ўйиннинг (1:1) 81-дақиқасида захирадан майдонга тушган футболчи, каталонияликлар сафидаги илк голни уришга муваффақ бўлди.