Пенальти бажаришнинг оригинал "паненка" усулининг асосчиси Чехословакия терма жамоасининг собиқ яримҳимоячиси, 1976 йилги Европа чемпиони Антонин Паненка замоанвий футболда бу усулнинг устаси ким эканини айтди.
"Рамос буни икки марта бажарди, тўғрими? Шунинг учун уни нг яхши ижрочи деб аташ мумкин - у бундай усулда биттадан кўп тепди. Одамлар буни билишар эди, шунга қарамай у буни яна бажарди. Бу зўр.
Бу усул устида Евро-1976 дан олдин ишлаганман. Ҳар бир дарвозабон томонларга отилишини тушунардим, шунинг учун бу - марказга тепиш яхши ғоя бўлиши мумкин эди. Ҳар машғулотимиздан сўнг дарвозабонимиз Зденек Грушка билан мусобақалашар эдик. У ҳақиқатан яхши дарвозабон эди, шунинг учун мен кўп пул, шоколад ва бошқа нарсалар ютқазганман. Кейн мен бу айёрликни ўйлаб топдим ва юта бошладим. Аммо шоколадлардан семирганим ёмон бўлган эди", - дейди Паненка.
