Ўзбекистон чемпионатининг 30-турида марказий ўйин Наманган шаҳрида бўлиб ўтди. Ушбу мавсумда бронза медали учун кураш олиб бораётган "Навбаҳор" ва "Бунёдкор" жамоалари тўқнаш келишди.

Учрашув қизғин курашлар остида кечди. Биринчи бўлимда бироз устунлик "қалдирғочлар" томонида бўлди. Наманганлик дарвозабон ва ҳимоячилар қийин вазиятда дарвоза дахлсизлигини сақлаб қолишга муваффақ бўлишди.

Иккинчи бўлимнинг 64-дақиқасида Азизбек Турғунбоев жарима зарбасини амалга оширганидан сўнг, жарима майдончаси ичида тўп ҳимоячилардан бирининг қўлига текканлиги учун тошкентликлар дарвозасига пенальти белгиланди. Уни Рўзимбой Аҳмедов аниқ амалга ошириб, ҳисобни очишга муваффақ бўлди.

Ушбу гол ўйинда ягоналигича қолди. Мазкур ғалабадан кейин "Навбаҳор" ўз очколарини 28тага етказиб, "Бунёдкор"дан 4 очкога илгарилаб кетди. Канчельскис шогирдлари навбатдаги турда "Бухоро" клуби меҳмони бўлишади.

Суперлига, 30-тур
"Навбаҳор" – "Бунёдкор" 1:0
Гол: Рўзимбой Аҳмедов (64-пенальти)
"Навбаҳор": Акбар Тўраев, Игорь Голбан, Остон Ўрунов, Аюбхон Нўъмонов, Дилшод Жабборов, Азиз Турғунбоев, Мирзоҳид Ғофуров, Аъзам Алиев, Рўзимбой Аҳмедов, Даврон Ҳошимов, Жаҳонгир Меҳмонов.
"Бунёдкор": Суҳробжон Султонов, Рустам Ашурматов, Акром Комилов, Дилшод Жўраев, Дилшод Аҳмадалиев, Жавлон Иброҳимов, Шаҳзодбек Нурматов, Муроджон Тошмтаов, Сардор Собирхўжаев, Мирғиёс Сулаймонов, Азизбек Ҳайдаров