O‘zbekiston chempionatining 30-turida markaziy o‘yin Namangan shahrida bo‘lib o‘tdi. Ushbu mavsumda bronza medali uchun kurash olib borayotgan "Navbahor" va "Bunyodkor" jamoalari to‘qnash kelishdi.

Uchrashuv qizg‘in kurashlar ostida kechdi. Birinchi bo‘limda biroz ustunlik "qaldirg‘ochlar" tomonida bo‘ldi. Namanganlik darvozabon va himoyachilar qiyin vaziyatda darvoza daxlsizligini saqlab qolishga muvaffaq bo‘lishdi.

Ikkinchi bo‘limning 64-daqiqasida Azizbek Turg‘unboyev jarima zarbasini amalga oshirganidan so‘ng, jarima maydonchasi ichida to‘p himoyachilardan birining qo‘liga tekkanligi uchun toshkentliklar darvozasiga penalti belgilandi. Uni Ro‘zimboy Ahmedov aniq amalga oshirib, hisobni ochishga muvaffaq bo‘ldi.

Ushbu gol o‘yinda yagonaligicha qoldi. Mazkur g‘alabadan keyin "Navbahor" o‘z ochkolarini 28taga yetkazib, "Bunyodkor"dan 4 ochkoga ilgarilab ketdi. Kanchelskis shogirdlari navbatdagi turda "Buxoro" klubi mehmoni bo‘lishadi.

Superliga, 30-tur
"Navbahor" – "Bunyodkor" 1:0
Gol: Ro‘zimboy Ahmedov (64-penalti)
"Navbahor": Akbar To‘rayev, Igor Golban, Oston O‘runov, Ayubxon No‘’monov, Dilshod Jabborov, Aziz Turg‘unboyev, Mirzohid G‘ofurov, A’zam Aliyev, Ro‘zimboy Ahmedov, Davron Hoshimov, Jahongir Mehmonov.
"Bunyodkor": Suhrobjon Sultonov, Rustam Ashurmatov, Akrom Komilov, Dilshod Jo‘rayev, Dilshod Ahmadaliyev, Javlon Ibrohimov, Shahzodbek Nurmatov, Murodjon Toshmtaov, Sardor Sobirxo‘jayev, Mirg‘iyos Sulaymonov, Azizbek Haydarov