Каталониянинг Барселона ҳужумчиси Лионель Мессига бир йўла иккита соврин топширилди.
Аргентиналик футболчи ЛаЛига 2017/18 йилги мавсумининг энг яхши ўйинчиси ҳамда энг яхши тўпурари бўлди.
"Маrcа" нашри ҳамда "Hyundai" ҳамкорлигида ўтказилган тақдирлаш маросимида Мессига энг яхши ўйинчига аталган Алфредо Ди Стефано номидаги соврин топширилди.
Шу билан бирга Месси ўтган мавсумда урган 34 та голи учун Пичичи (энг яхши тўпурарга берилади) совринини ҳам қабул қилиб олди.
Месси ўтган мавсумда ЛаЛиганинг 36 та ўйинида майдонга тушиб, 34 та гол урган ва 12 та голли узатмани амалга оширган.
