Бугун Про-лига "А" гуруҳида 35-тур учрашувлари бўлиб ўтди. Мавсум якунига яна битта тур бор бўлса-да, совриндор жамоалар номи деярли аниқ бўлди.

Про-лига "А" гуруҳининг 35-тури доирасида “Истиқлол”дан устун келган "Андижон" сўнгги турда қандай натижа қайд этишидан қатъий назар, 1-ўринни эгаллаши ойдинлашди.

Шу муносабат билан Андижон вилояти ҳокимлиги ва клуб ҳомийлари бош мураббий Элдор Сакаев ҳамда футболчи Шаҳбоз Жумабоевларга Chevrolet Cobalt машиналарини совға қилди.

Маълумот ўрнида, айни пайтда 2-поғонада бораётган “Машъал” “Андижон”дан 3 очко ортда бўлса ҳам, ўзаро ўйинлар натижасига кўра, сўнгги турдан кейин “Андижон”дан олдинга ўтиб кета олмайди. Бу эса андижонликларнинг муддатидан аввал 1-поғонани банд этганини англатади.