Bugun Pro-liga "A" guruhida 35-tur uchrashuvlari bo‘lib o‘tdi. Mavsum yakuniga yana bitta tur bor bo‘lsa-da, sovrindor jamoalar nomi deyarli aniq bo‘ldi.

Pro-liga "A" guruhining 35-turi doirasida “Istiqlol”dan ustun kelgan "Andijon" so‘nggi turda qanday natija qayd etishidan qat’iy nazar, 1-o‘rinni egallashi oydinlashdi.

Shu munosabat bilan Andijon viloyati hokimligi va klub homiylari bosh murabbiy Eldor Sakayev hamda futbolchi Shahboz Jumaboyevlarga Chevrolet Cobalt mashinalarini sovg‘a qildi.

Ma’lumot o‘rnida, ayni paytda 2-pog‘onada borayotgan “Mash’al” “Andijon”dan 3 ochko ortda bo‘lsa ham, o‘zaro o‘yinlar natijasiga ko‘ra, so‘nggi turdan keyin “Andijon”dan oldinga o‘tib keta olmaydi. Bu esa andijonliklarning muddatidan avval 1-pog‘onani band etganini anglatadi.