«Удинезе» клубида янги бош мураббий иш бошлади. Жамоа Хулио Веласкесни истеъфога чиқариб, Давиде Никола билан шартнома имзолади.
Ҳозирча шартнома бандлари ҳақида маълумот тарқатилмади. Давиде Николанинг сўнгги иш жойи "Кротоне" клуби бўлганди.
Аввалроқ «Удинезе»ни бошқариш учун асосий номзод сифатида «Спартак»дан истеъфога чиқарилган Массимо Каррера тилга олинганди.
«Удинезе» Италия А сериясининг 12-туридан кейин 9 очко билан 17-ўринда бормоқда. Жамоа сўнгги 7та ўйинда бор-йўғи 1 очко тўплади.