Аввалроқ, Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице-президенти Умид Аҳмаджонов Миллий олимпия қўмитасида “Hawk-Eye Innovations Ltd” компанияси Осиё минтақаси бўлимининг бошқарувчи директори Бен Кроссинг билан учрашув ўтказгани ҳақида хабар берган эдик.

Аҳмаджонов меҳмонни Ўзбекистонга келгани билан табриклаб, ўзбек футболига VAR тизимини олиб кириш долзарб масалалардан бири ҳисобланишини таъкидлади.

“Ўзбекистонга хуш келибсиз. Бизда футболни жуда севишади. Биз футбол билан бир қаторда, ҳакамлик тизимини ҳам ривожлантириш бўйича бир қатор ишларни амалга оширяпмиз.

Ўзбек футболига VAR тизимини олиб кириш ҳам бугунги кунда олдимизда турган долзарб масалалардан бири ҳисобланади.

Бу борада бизга ёрдам берадиган сиздек мутахассисни кўриб турганимиздан хурсандмиз”, - дейди Умид Аҳмаджонов Бен Кроссингга.