ПСЖ футболчилари Килиан Мбаппе ва Неймар “Ливерпуль”га қарши ўйин олдидан жароҳат олди.

Неймар  Бразилия ҳамда Камерун терма жамоалари ўртасида бўлиб ўтган ўртоқлиқ учрашувда 8-дақиқада оёғ мушакларини жароҳатлаб олди, Мбаппе Уругвайга қарши бўлиб ўтган ўйинда елкасини жароҳатлаб олди.

Франциянинг шифокорлар штабининг маълум қилишича Мбаппе жиддий жароҳатдан сақланиб қолди. Унинг ўнг елкаси лат еган. Бугун франциялик футболчи чуқурлаштирилган тиббий кўрикдан ўтади.   

Неймарнинг ҳам жароҳати ҳам Мбаппеникига ўхшайди. Бразилия термаси шифокори Родриго Ласмар: “Ҳозирча, барчаси оддийдек кўринмоқда, лекин яқин вақтлар ичида барчаси аён бўлади”, - дейди Ласмар.

Агар бразилиялик футболчи жароҳати енгил бўлса, у кейинги ўйинда майдонга тушади.