Англиянинг “Манчестер Юнайтед” клуби ҳужумчиси Антони Марсьял жамоанинг навбатдаги рекордини янгилашга яқин турипти. Бу ҳақда Goal.com хабар бермоқда.
Манбанинг берган маълумотларига қараганда, агар 22 ёшли футболчи “Кристал Пэлас” дарвозасини ишғол этса, у Криштиану Роналду, Руд ван Нистелрой ва Эрик Кантоналарнинг натижасини такрорлайди.
Гап шундаки, юқоридаги номи келтирган футболчилар “қизил иблислар” сафида АПЛнинг кетма-кет 6 та ўйинида гол уришни уддалашган.
Марсьял жорий мавсум чемпионат доирасида “Ньюкасл”, “Челси”, “Эвертон”, “Борнмут” ва “Манчестер Сити” дарвозасини ишғол қилган эди.
Эслатиб ўтамиз, “Манчестер Юнайтед”– “Кристал Пэлас” баҳси эртага Тошкент вақти билан 20:00да бошланади.
