Германиянинг “Бавария” клуби собиқ бош мураббийи Юпп Хайнкес мюнхенликлар жамоасида юзага келган вазиятга изоҳ берди.
“Ковач ёш мураббий, у келиши билан дунёни ўзгартириб юбормоқчи бўлди. Ҳозирда у ўзини “Бавария”да ишончсиз ҳис қилмоқда. Жамоада яхши йигитлар билан бир қаторда девлар ҳам бор.
Шунингдек, асосий футболчиларнинг жиддий жароҳатлари “Бавария”ни издан чиқармоқда. Бу ҳам муаммо саналади”, — дейди Хайнкес.
Эслатиб ўтамиз, 12-турдан сўнг “Бавария” 21 очко билан Бундеслигада олтинчи ўринни эгаллаб турибди ва пешқадам “Боруссия Д”дан 9 очкога ортда қолмоқда.
