ФИФА Афғонистон футбол федерацияси мулозимлари томонидан мамлкат аёллар терма жамоаси футболчиларига жинсий тегажоғлик қилингани борасида суриштирув ишларини олиб бормоқда.
"ФИФА бу ишни ўрганиб чиқмоқда. Бу ишнинг баъзи жабҳалари нозик масала бўлиб, жабрланганларни ҳимоя қилиш билан боғлиқ. Биз керакли кучларга мурожаат қилдик ва улар ФИФАга ёрдам беришларини маълум қилдилар. Бунда жабрланганларга нисбатан "гап тегмасин" принципига таянамиз", - дейилади ФИФА баёнотида.
Мамлакатни мажбуран тарк этишга мабур бўлган AFF аёллар футболи департаментининг собиқ раҳбари Холида Попалнинг сўзларига кўра, футболчи қиз-аёлларга жисмоний ва жинсий тажовуз қилинган ҳамда ўлдириш ва улар зўрлаш билан қўрқитилган
"Биз бу нарсалар ҳақида гапириш қийин бўлган мамлакатда яшаймиз. Агар Афғонистонлик футболчи аёл қандайдир маълумотни ошкор қилса, уни ўлдиришлари мумкин", - дейди Попал.
Афғонистон аёллар термасига алоқадор кишиларнинг айтишларига қараганда, жинсий тажовуз 2018 йилнинг февраль ойида Иорданияда ўтказилган йиғинда ва федерация штаб-квартирасида бўлган.
