FIFA Afg‘oniston futbol federasiyasi mulozimlari tomonidan mamlkat ayollar terma jamoasi futbolchilariga jinsiy tegajog‘lik qilingani borasida surishtiruv ishlarini olib bormoqda.
"FIFA bu ishni o‘rganib chiqmoqda. Bu ishning ba’zi jabhalari nozik masala bo‘lib, jabrlanganlarni himoya qilish bilan bog‘liq. Biz kerakli kuchlarga murojaat qildik va ular FIFAga yordam berishlarini ma’lum qildilar. Bunda jabrlanganlarga nisbatan "gap tegmasin" prinsipiga tayanamiz", - deyiladi FIFA bayonotida.
Mamlakatni majburan tark etishga mabur bo‘lgan AFF ayollar futboli departamentining sobiq rahbari Xolida Popalning so‘zlariga ko‘ra, futbolchi qiz-ayollarga jismoniy va jinsiy tajovuz qilingan hamda o‘ldirish va ular zo‘rlash bilan qo‘rqitilgan
"Biz bu narsalar haqida gapirish qiyin bo‘lgan mamlakatda yashaymiz. Agar Afg‘onistonlik futbolchi ayol qandaydir ma’lumotni oshkor qilsa, uni o‘ldirishlari mumkin", - deydi Popal.
Afg‘oniston ayollar termasiga aloqador kishilarning aytishlariga qaraganda, jinsiy tajovuz 2018 yilning fevral oyida Iordaniyada o‘tkazilgan yig‘inda va federasiya shtab-kvartirasida bo‘lgan.