"Милан" бош мураббийи Женнаро Гаттузо Италия чемпионати тақвимини тузганларни танқид қилди.
"Россонери" 29 ноябрь, пайшанба куни "Дюделанж" билан Европа лигаси доирасида ўйин ўтказди (5:2), якшанба, 2 декабрь куни эса А серия доирасида "Парма" билан ўйнаши керак.
"Пайшанба оқшомида Европа лигасида ўйин ўтказиб, якшанбанинг биринчи ярмида А серияда ўйнаш - бу абсурд. Баҳс яратмоқчи эмасман, аммо шунчаки бу қарорни тушунмаяпман.
Ўзимни оқламоқчи эмасман биз бундан кучлироқмиз. "Парма" - тезкорҳужумлар қилувчи яхши жамоа. "Милан"га кўпроқ қувват керак, рақибнинг олтинчи ўринда бораётгани бежизга эмас", - дейди Гаттузо.
