Якунига етган мавсумга доир статистик маълумотларимизни давом эттирамиз. Бугун мавсум-2018да ким қанча ўйнагани ҳақида тўхталиб ўтамиз.
Бу йилги чемпионатда жамоамиз таркибида жами 23 нафар футболчи майдонга тушганини таъкидлаш жоиз.
Жамоамиз дарвозабони Ўткир Юсупов 2018 йилда нафақат жамоамизда балки, суперлигадаги барча учрашувларда майдонга тушган ва уларнинг ҳаммасида тўлиқ ҳаракат қилган ягона футболчига айланди. Ўткир чемпионат давомида 2880 дақиқа ўйнади.
Мавсум давомида жамоамиз сафида энг кўп ўйин ўтказган футболчиларидан яна бири Александр Мерзляковдир. Етакчи ҳимоячимиз 31 та учрашувда майдонга тушган. Унинг майдонда ҳаракат қилган дақиқаси - 2740 га тенг.
Шунингдек, Суҳроб Бердиевни ҳам мавсум давомида кўп учрашувда майдонга тушган футболчилари қаторига қўшсак бўлади. Суҳроб мавсум-2018да 31та ўйинда ҳаракат қилган. Унинг майдондаги дақиқаси – 2276га тенг.
