2018 йилги “Олтин тўп” соҳиби Лука Модрич бу совринни бошқа футболчилар ҳам олишга лойиқ экани ҳақида гапирди.
“Аввал айтганимдек, ФИФАнинг йил ўйинчиси бўлдим, барча шахсий совринларимни хурсандчилик билан жаҳон чемпионлигига алмаштирган бўлардим.
Афсуски, ҳаммаси бошқача кечди, аммо Хорватиядек кичик давлатнинг финалга чиқиши катта воқеа. Месси ва Роналду охирги 10 йилда ақл бовар қилмас натижаларга эришдилар.
Бошқалар ҳам бу совринга муносиб эдилар: Хави, Иньеста, Снейдер... Бу ютуғимни уларга ҳам бағишлайман. Менга ёрдам берган барчага — «Реал» клуби ва Хорватия терма жамоасида фаолият юритаётган ҳаммага миннатдорчилик билдираман.
Яқинларимни, турмуш ўртоғим ва фарзандларимни табриклайман. Ёшлик пайтимда буюк жамоада ўйнашни орзу қилгандим, аммо «Олтин тўп» мен учун катта шараф. Бу ғаройиб. Фақатгина Роналду ва Мессидан кейин бу совринни ютганим учун эмас.
Унинг учун курашда иқтидорли футболчилар кўп эди. «Олтин тўп» менга насиб қилдими, демак қандайдир ғаройиб ишни амалга оширдим. Буюк футболчилар орасида бўлиш мен учун катта шараф”, дейди Модрич.
