Ўзбекистон Профессионал Футбол Лигасининг лицензиялаш талабига биноан янги мавсумга Суперлига жамоаларининг майдонларида жадал суръатда иш олиб борилмоқда.
Хусусан Андижон шаҳридаги «Соғлом авлод» стадионида ҳам 10 декабрдан расман иш бошланди. Бугун эрта тонгда «Соғлом авлод» стадионида «Андижон» ФК вице-президенти Маъруфжон Абдисаломов клуб ва стадион ходимлари иштирокида навбатдан ташқари йиғилиш ўтказиб, майдонни қайта таъмирлашга жиддий ёндошиш муҳимлигини таъкидлаб ўтди.
Қувонарлиси бугун шахсан Андижон вилояти ҳокими Шуҳратбек Абдураҳмоновнинг ўзи «Соғлом авлод» стадионига ташриф буюриб, майдонни қайта таъмирлаш бўйича ишни ўзи бошлаб бериши кўзда тутилган.
«Андижон» матбуот хизмати.
