O‘zbekiston Professional Futbol Ligasining lisenziyalash talabiga binoan yangi mavsumga Superliga jamoalarining maydonlarida jadal sur’atda ish olib borilmoqda.
Xususan Andijon shahridagi «Sog‘lom avlod» stadionida ham 10 dekabrdan rasman ish boshlandi. Bugun erta tongda «Sog‘lom avlod» stadionida «Andijon» FK vise-prezidenti Ma’rufjon Abdisalomov klub va stadion xodimlari ishtirokida navbatdan tashqari yig‘ilish o‘tkazib, maydonni qayta ta’mirlashga jiddiy yondoshish muhimligini ta’kidlab o‘tdi.
Quvonarlisi bugun shaxsan Andijon viloyati hokimi Shuhratbek Abdurahmonovning o‘zi «Sog‘lom avlod» stadioniga tashrif buyurib, maydonni qayta ta’mirlash bo‘yicha ishni o‘zi boshlab berishi ko‘zda tutilgan.
«Andijon» matbuot xizmati.
