Жамоамизнинг бу йилги муваффақияти, яъни бронза медалини қўлга киритишида дарвозабонларнинг ҳам муносиб ҳиссалари бор.

Якунига етган мавсумда “лочинлар” дарвозасини 3 нафар дарвозабон қўриқлади.

Акбар Тўраев энг кўп, яъни 17 та ўйинда майдонга тушган бўлса, Дилшод Ҳамроев эса бор-йўғи 1 та учрашувда “Навбаҳор” дарвозасини қўриқлади, холос.

Эътиборлиси, Акбар Тўраев ва Ботирали Эргашев ўз дарвозалари дахлсизлигини сақлашда бир хил кўрсаткичга эгалар, яъни, 7 тадан “қуруқ” ўйин ўтказишган.   

Ўз ўрнида айтиш лозимки, Pepsi Суперлига – 2018 баҳсларида рақиблар томонидан наманганликлар дарвозасига 29 та гол урилди.

Акбар Тўраев – 17 та ўйин, 7 та “қуруқ” ўйин, ўз дарвозасидан 16 та тўп ўтказиб юборган. Ботирали Эргашев – 14 та ўйин, 7 та “қуруқ” ўйин, ўз дарвозасидан 13 та тўп ўтказиб юборган. Дилшод Ҳамроев – 1 та ўйин, 1 та “қуруқ” ўйин.   

“Навбаҳор” ПФК матбуот хизмати.