Jamoamizning bu yilgi muvaffaqiyati, ya’ni bronza medalini qo‘lga kiritishida darvozabonlarning ham munosib hissalari bor.

Yakuniga yetgan mavsumda “lochinlar” darvozasini 3 nafar darvozabon qo‘riqladi.

Akbar To‘rayev eng ko‘p, ya’ni 17 ta o‘yinda maydonga tushgan bo‘lsa, Dilshod Hamroyev esa bor-yo‘g‘i 1 ta uchrashuvda “Navbahor” darvozasini qo‘riqladi, xolos.

E’tiborlisi, Akbar To‘rayev va Botirali Ergashev o‘z darvozalari daxlsizligini saqlashda bir xil ko‘rsatkichga egalar, ya’ni, 7 tadan “quruq” o‘yin o‘tkazishgan.   

O‘z o‘rnida aytish lozimki, Pepsi Superliga – 2018 bahslarida raqiblar tomonidan namanganliklar darvozasiga 29 ta gol urildi.

Akbar To‘rayev – 17 ta o‘yin, 7 ta “quruq” o‘yin, o‘z darvozasidan 16 ta to‘p o‘tkazib yuborgan. Botirali Ergashev – 14 ta o‘yin, 7 ta “quruq” o‘yin, o‘z darvozasidan 13 ta to‘p o‘tkazib yuborgan. Dilshod Hamroyev – 1 ta o‘yin, 1 ta “quruq” o‘yin.   

“Navbahor” PFK matbuot xizmati.