Англия футбол ассоциацияси “Арсенал” ва “Тоттенхэм” клубларини жаримага тортди. Бунга сабаб қилиб 2 декабрь куни “Эмирейтс”да бўлиб ўтган ўйинда футболчилар устидан назоратни йўқотилгани кўрсатилган.
Ўша ўйинда “тўпчилар” 4:2 ҳисобида зафар қучган эди ва майдон четида бир неча тўқнашувларга бой бўлган. 32-дақиқада Эрик Дайер голни нишонлаётган пайтда рақиб жамоанинг заҳира футболчилари билан тортишиб қолган ва можаро юз берган эди.
Бунинг оқибатида Ассоциация клубларга айблов қўйди ва айбдор деб топиб 45 ва 50 минг фунт миқдорида жаримага тортди. FA баёнотида Дайернинг ҳаракатлари провакацион деб аталган бу ҳолатда ҳар икки клуб айбдор деб топилган.
Бунда “Тоттенхэм” клубига нисбатан кўпроқ жарима тайинланганига сабаб ҳам кўрсатилган. Зеро “Тоттенхэм” сўнгги 5 йил ичида 4 маротаба футболчиларининг назоратини йўқотган, “Арсенал” эса 2 маротаба.
