Испания Ла лигасининг 17-тури доирасида "Барселона" клуби ўз майдонида "Сельта"ни қабул қилиб, ишончли ғалабани қўлга киритди.

Баҳснинг 10-дақиқасида Альба томонидан чап қанотдан етказилган узатмага Месси 17 метрлардан кучли зарба берди. Меҳмонлар дарвозабони зарбани қайтарди, аммо тўпни ушлаб қола олмади. Дембеле эса яқин масофадан ҳисобни очди.

Биринчи бўлим тугаш арафасида яна ўша Альбанинг узатмасидан кейин Месси яккама-якка вазиятга чиқиб бориб, фарқни иккитага оширди.

Иккинчи бўлимда майдон эгалари яна бир нечта вазиятларни яратишди, аммо уларни голга айлантиришда футболчилар оқсашди.

Шу тариқа, "Барса" ўз очколарини 37тага етказди ва қишки танаффусга пешқадам сифатида йўл олди.

Испания Ла лигаси, 17-тур
Барселона – Сельта 2:0 (2:0, 0:0)
Голлар: 1:0 – 10 Дембеле, 2:0 – 45 Месси.
Барселона – тер Стеген, Пике, Альба, Нелсон Семеду, Лангле, Ракитич, Бускетс (Аленья, 86), Видаль (Артур, 63), Дембеле (Коутиньо, 68), Месси, Суарес.
Сельта – Бланко, Араухо, Мазань, Мальо, Костас, Браис Мендес, Йокушлу (Лоботка, 46), Хосабед, Буфаль (Систо, 76), Аспас (Бельтран, 52), Макси Гомес.
Огоҳлантириш: Аспас (45).