Қашқадарё вилоятида, жумладан “Насаф” футбол мактабида фаолият юритаётган мураббийларга ОФКнинг “В” тоифасидаги лицензиялари топширилди. Тадбир “Насаф” ФМда бўлиб ўтди.
Тадбирда Ўзбекистон Футбол Ассоциацияси техник бўлими бошлиғи Шавкат Имомов, клубимиз бош менеджери С.П.Кучеренко, жамоамиз бош мураббийи Р.С.Бердиевлар ҳам ҳозир бўлишди.
Футбол мактаб мураббийларидан Умирқул Раҳматуллаев, Павел Кшнякин, Жасур Ибрагимов, Озод Бердиев, Нурали Қунғиров, Дилмурод Пўлатов ва Жамшид Азизовларга мазкур тоифали лицензиялар топширилди. Элдор Мойлиевга эса ОФКнинг “А” лицензияси топширилди.
Мураббийларга ушбу лицензияларни Шавкат Имомов, С.П.Кучеренко ва Р.С.Бердиевлар топширишди.
