“Манчестер Сити” ярим ҳимоячиси Фернандиньо Бразилия терма жамоасида ўйнашдан бош тортди деб хабар беради El Espanol нашри.

Манбанинг хабар беришича, 33 ёшли футболчи “селесао” бош мураббийи Титедан вақтинчалик танаффус сўради.

Футболчи ЖЧ-2018дан сўнг мухлислар томонидан босим остида қолганини тушунтирди. Эслатиб ўтамиз, ишқибозлар мундиалнинг 1/4 финалида Бельгиядан учраган мағлубият аламани Фернандиньодан олишган эди.

“Сити” футболчиси Бразилияда 2011 йилдан бери ўйнаб келади, шу вақт ичида у 49 та та ўйинда майдонга тушиб, 2 та гол урди.