Осиё Кубоги - 2019 мусобақасида Ўзбекистон миллий терма жамоаси Туркманистон билан бир гуруҳдан жой олди.
2004 йил Хитойда бўлиб ўтган Осиё Кубогида ҳам туркманлар биз билан битта гуруҳда эди. Ўша мусобақада Ўзбекистон миллий терма жамоаси Туркманистон устидан кичик 1:0 ҳисобида ғалаба қозонган.
Ўйин биз учун жуда қийин кечган бўлиб, иккинчи бўлимда захирадан майдонга тушган Миржалол Қосимов терма жамоамиз "қутқарувчиси" вазифасини бажариб берганди. Унинг 58-дақиқада жаримадан киритган ажойиб голи Ўзбекистонга муҳим ғалабани тақдим қилган.
Осиё Кубоги - 2004
26.07.2004 "Chongqing Olympic Sports Center" стадиони, Чунцин
Бош ҳакам: Муҳаммад Кўса (Сурия)
Туркманистон - Ўзбекистон 0:1
Гол: Миржалол Қосимов, 58
Туркманистон: Павел Харчик, Гочкули Гочкулиев, Гуванч Режепов, Омар Бердиев, Гурбангули Дурдиев (Вячеслав Крендельев, 75), Артём Назаров (Евгений Земсков, 67), Рустам Сапаров, Бегенч Кулиев, Назар Байрамов, Гуванчмуҳаммад Овеков (Ориф Мирзоев, 84), Владимир Байрамов.
Ўзбекистон: Игнатий Нестеров, Андрей Фёдоров, Асрор Алиқулов, Ислом Иномов (Владимир Шишелов, 85), Алексей Николаев, Леонид Кошелев, Тимур Кападзе, Элдор Магдеев (Анвар Солиев, 77), Зафар Холмуродов, Илёс Зейтуллаев (Миржалол Қосимов, 46), Марат Бикмаев.
