Ҳеч қайси футболчи хатолардан суғурталанмаган. Ҳатто юлдузлар ҳам. Бугун шундай аламли хатоларни амалга оширган машҳурлар ҳақида қисқача…
Роберто Баджо – «Тақдир зарбаси»
1994-йилдаги ЖЧда Италия термаси жуда ҳам ишончли ўйинлари билан финалагача етиб борган эди. Жамоанинг асосий юлдузи Роберто Баджо деярли ҳар ўйинда гол ёки ассистни амалга ошириб, турнирнинг энг яхши ўйинчиси бўлишга яққол даъвогар эди. Финал ўйинида Бразилия Италияга тенгма-тенг қаршилик кўрсатди ва ўйин пенальтилар сериясигача чўзилди. Бразилия ўзининг 5-пенальтисини амалга оширди ва ҳисобда олдинга чиқиб олди. Баджо эса сўнгги нуқтада адашди ва тифозиларнинг нафратига учради. Афсуски, шу омадсизлик уни бутун умр таъқиб қилди ва иқтидорини шубҳа остида қолдирди.
Стивен Жеррард – «Эссиз кетган АПЛ соврини»
Бренден Роджерс шогирдлари АПЛ тугашига 2 тур қолганида турнир жадвалида пешқадам эдилар. «Челси» жамоаси билан ўйин. Биринчи таймнинг сўнгги дақиқаларида сўнгги ҳимоячи сифатида ўйнаётган Жераррд тўпни тўхтата олмайди, етмаганига сирпаниб рақибига олдириб қўяди. Демба Ба эса осонлик билан ҳисобни очади. Иккинчи бўлимда ҳужумга отилган «Ливерпуль»ни «Челси» қарши ҳужумда жазолайди. Натижада тайёр чемпионлик қўлдан чиқади.
Жон Терри – «Москвани ёмон кўраман»
2008 йилда Москвада бўлиб ўтган финални ҳамма эсласа керак. 120 дақиқа дуранг билан якунланган учрашув пенальтилар сериясига кўчади. Иккала жамоадан ҳам ҳеч ким адашмайди. 5-пенальтини амалга оширишга Роналдунинг асаблари дош бермайди. Чех тўпни қайтаради. «Челси» агар пенальтини аниқ амалга оширишса, бас - ЕЧЛ ғолиби! Зарбани жамоанинг сардори, «Челси» мухлисларининг кумири, шахсан Жон Терри бериши керак эди. Жон зарба беради, лекин сирраниб тўпни осмонга қарата тепиб юборади. Руҳан тушкунликка тушиб қолган «Челси» «6-5» ҳисобида пенальтилар сериясида мағлубиятга учрайди.
Яҳёхўжа Улуғхўжаев
