«Манчестер Юнайтед» Англия чемпионатининг 21-турида Ньюкасл»ни мағлуб этди (2:0).

«Қизил иблислар» Оле-Гуннар Сульшер қўл остидаги дастлабки учта ўйинда ҳам ғалабага эришишган эди. «Борнмут» 4:1, «Кардифф» 5:1 ва «Ҳаддерсфилд» 3:1 ҳисобларида мағлуб этилганди.

Норвегиялик мутахассис жамоаси ушбу тўрт ўйинда умумий 14:3 тўплаб нисбатини қайд этди.

«МЮ» тарихида фақатгина бир мураббий АПЛдаги дастлабки тўрт ўйинида ғалаба қозонишнинг уддасидан чиққан эди. Бу узоқ 1946 йилга тўғри келади, ўшанда клуб Мэтт Басби мураббийлигида чемпионатнинг кетма-кет бешта учрашувида ғолиб чиққанди.

Манкунианликлар кейинги турда 13 январь куни «Тоттенҳэм» меҳмони бўлишади. Унгача жамоа Англия Кубоги доирасида 5 январь куни «Ридинг»ни қабул қилади.