"Барселона" расмий сайтида Кубок доирасидаги "Атлетико"га қарши ўйинда жароҳат олган ҳимоячилар Жюль Кунде ва Алехандро Бальденинг соғлиғи борасида маълумот эълон қилинди.
Кунденинг чап оёқ сон икки бошли мушагининг ўрта қисмида шикастланиш аниқланган. Франциялик футболчининг сафга қайтиш муддати тикланиш жараёнига боғлиқ бўлади.
Бальдега келсак, унда сон икки бошли мушагининг дистал қисми шикастлангани ташхиси қўйилган. Алехандронинг тикланиши учун тахминан тўрт ҳафта вақт керак бўлиши кутилмоқда.
"Барселона" "Атлетико"ни 3:0 ҳисобида мағлуб этди, бироқ Испания Кубоги финалига чиқа олмади. Мадридда ўтган дастлабки учрашувда каталонияликлар 0:4 ҳисобида имкониятни бой беришган эди.
