"Реал" ҳужумкор ярим ҳимоячиси Франко Мастантуоно "Хетафе"га қарши ўйиндаги четлатишдан сўнг жазоланди. Ўйин қайдномасида кўрсатилишича, Мастантуоно ҳакам манзилига: "Нақадар шармандалик, лаънати шармандалик!" деган сўзларни қичқирган.
Мастантуоно иккита ўйинга дисквалификация қилинди. Бу дегани, аргентиналик футболчи Ла Лига доирасидаги "Сельта" (6 март) ва "Эльче" (14 март) жамоаларига қарши баҳсларни ўтказиб юборади.
Шунингдек, "Реал" ҳимоячилари Дин Хёйсен ва Альваро Каррерасларнинг дисквалификацияси ҳам тасдиқланди. Улар сариқ карточкалари кўпайиб кетгани сабабли "Сельта"га қарши сафар ўйинида иштирок эта олмайдилар.
"Реал" Ла Лига жадвалида иккинчи ўринни эгаллаб турибди ва пешқадам "Барселона"дан тўрт очкога ортда қолмоқда.
