Аввалроқ Миллий олимпия қўмитаси президенти Умид Аҳмаджонов Бухоро вилоятида нуфузли мусобақаларда совриндор бўлган спортчиларни тақдирлаш маросимида иштирок этиб, икки спортчига Spark автомобили калитларини топширган эди.
МОҚ президенти ва ЎФА биринчи вице-президенти Умид Аҳмаджонов куннинг иккинчи ярмида “Бухоро” футбол клубининг базасига борди. Бу ҳақда Миллий олимпия қўмитаси матбуот хизмати хабар бермоқда.
Базага ташриф чоғида Умид Аҳмаджоновга МОҚ вице-президенти Комил Рўзиев, ЎФА вице-президенти Шоикром Исроилов, ПФЛ бош директори Омон Ғофуров, «Бухоро» жамоаси бош мураббийи Бахтиёр Ашурматов ҳамроҳлик қилди. Бош мураббий МОҚ раҳбарини клуб базаси билан таништирди, жамоанинг янги мавсумга кўраётган тайёргарлиги ҳақида гапириб берди.