“Бенфика” ўзининг расмий сайтида бош мураббий Руй Виторийни истеъфога чиқаргани ҳақида эълон қилди.

Лиссабон клуби раҳбарияти сўнгги вақтларда ёмон натижа кўрсатаётгани учун 48 ёшли мутахассисни лавозимидан бўшатишга қарор қилди.

15 турнинг натижасига кўра, “Бенфика” турнир жадвалида 4-ўринда кетмоқда ва “Порту”дан 7 очко ортда бормоқда. Қолаверса, “бургутлар” ЕЧЛ доирасида плей-оффга чиқолмади.

Маълумот учун, Витория “Бенфика”ни 2015 йилдан бери бошқариб келади. Унинг қўл остида “Бенфика” икки карра Португалия чемпиони бўлди.